मंसिर २४ काठमाडौ, एमाले निकट युवा तथा विद्यार्थी संगठनले संविधान संशोधन प्रस्तावको विरोधमा शुक्रबारदेखि सोमबारसम्म आन्दोलन घोषणा गरेका छन् ।
संसद्का संशोधन प्रस्ताव दर्ता लगत्तै आन्दोलित भएका उनीहरुले शुक्रबार युवा सङ्घ नेपालको कार्यालयमा पत्रकार सम्मेलन गरी थप आन्दोलनको घोषणा गरेका हुन् ।
स्रोतका अनुसार शुक्रबार नयाँ बानेश्वरमा खेलाडीको प्रदर्शन, शनिबार वैदेशिक हस्तक्षेप रोक्नका लागि परराष्ट्र मन्त्रालयलाई ज्ञापनपत्र बुझाउने, आइतबार माइतीघरदेखि नयाँ बानेश्वरसम्म दौड जुलुस र सोमबार संशोधनका विपक्षमा सडक बहस गर्ने आन्दोलनका कार्यक्रम घोषणा गरिएको छ ।
