जिम्बावेमा आगामी महिना हुने आइसिसी विश्वकप क्रिकेट छनोट अघि नेपालले दुई वटा ‘वार्म अप’ खेल खेल्ने भएको छ।
नेपाल क्रिकेट संघ क्यानले नेपालले युएई र ओमानसँग वार्म अप खेल खेल्ने जानकारी दिएको हो। यी दुबै समूह एकदिवसीय मान्यता प्राप्त हुन्। दुबै खेल जिम्बावेमै हुनेछन्।
जिम्बावेको राजधानी हरारेमा नेपालले ३० जेठमा युएई र ३२ जेठमा ओमानसँग खेल्नेछ।
विश्वकप छनौटमा पहिलो खेल नेपालले आयोजक जिम्बावेसँग असार ३ गते खेल्ने छ।
