२४ भदौ, काठमाडौँ : वाग्मती प्रदेशसभाका सभामुख भुवनकुमार पाठकले आज सर्वदलीय बैठक बोलाएका छन् ।
प्रदेश सभाको बैठक सञ्चालनबारे छलफल गर्न सभामुख पाठकले आइतबार बिहान १० बजे सर्वदलीय बैठक बोलाएका हुन् । एमालेलगायत विपक्षी दलको आपत्तिपछि बैठक अवरुद्ध भएको हो । सर्वदलीय बैठकबाट सहमति हुने सम्भावनासँगै आज ११ बजे प्रदेशसभाको बैठक बोलाइएको छ ।
साउन ७ गतेदेखि प्रदेशसभा बैठक बसेको छैन । सरकार र विपक्षी दलबीच सहमति हुन नसकेपछि भदौ ४ गतेका लागि बोलाइएको प्रदेशसभा बैठक तीन पटक स्थगित भएको थियो ।
