फागुन १२ काठमाडौ, पशुपती क्षेत्रमा भोली बिहानै देखि सवारी साधन संचालनमा रोक लगाइने छ। महा शिवरात्रिको अवसरमा भक्तजनहरुको भिडभाड हुनेभएकोले उक्त क्षेत्रमा सवारी चल्नमा रोक लगाईएको हो ।
भोलि अर्थ्यात फागुन १३ गते देखिनै लागू हुनेगरी, गौशाला क्षेत्र हुँदै चल्ने सवारी साधनलाई चावहिल,पुरानोबानेश्वर,ज्ञानेश्वर मैतिदेवीमोड,सिफल चौर,गौरीघाट,तिलगंगा,चुच्चेपाटीबाट डाईभर्सन गरिने छ ।
त्यस्तै तिनकुनेबाट र गोपिकृष्णबाट गौशाला आउने मालबाहक सवारी साधनलाई चावहिल र तिनकुनेबाटै प्रवेशमा रोक लगाइने छ । उता नारायणटार पुलबाट करिडोरको बाटो भएर आउने मालबहाक सवारी साधन तथा पानी ट्याङकरलाई पनि गौशाला क्षेत्र प्रवेशमा रोक लगाइने छ ।
सवारी साधन लिएर मन्दिर जाने दर्शनार्थीहरुको लागि तिलगंगा,अमालकोट,सिफलचौर,कोषको कार्यालय र गौरीघाटमा पार्किङ्गको व्यवस्था मिलाइएको छ । सुरक्षा निकायका सवारी साधनहरु प्रहरी वृत गौशालामा पार्किङ्ग गर्ने जनाईएको छ ।
