कार्तिक २३ काठमाडौ,काठमाडौका विभिन्न स्थानमा दिउसोको समयमा मानिस घरमा नभएको मौका पारी ढोकाफोडी कोठामा भएको नगद तथा सुन चाँदीका गरगहना चोरी गर्ने तथा चोरीको सामान खरिद गर्ने ३ जनालाई महानगरीय अपराध महाशाखाबाट खटिएको प्रहरी टोलीले पक्राउ गरेको छ ।
पक्राउ पर्नेहरुमा चोरी गर्ने काभ्रे सरमथली ९ घर भई बागबजार बस्ने २८ बर्षीय वाङदेन तामाङ, काभ्रे बेग सिम्ले ७ घर भएका २३ बर्षीय सुमन तामाङ तथा चोरीको सामान खरिद गर्ने भारत बिहार खगडिया घर भई बागबजार स्थित सुन चाँदी पसल संचालन गरी बस्ने ३६ बर्षीय पंकज कुमार दाश रहेका छन् ।
उनीहरुबाट प्रहरीले विभिन्न कम्पनीका ल्यापटप २ थान, क्यामेरा ५ थान, नेपाली तथा बिदेशी सिक्काहरु, खुकुरी,विभिन्न चाँदीका गहनाहरु, फलामको ढोका फोड्ने रड लगायतका सामान बरामद गरेको छ ।
उनीहरुलाई आवश्यक कारबाहीको लागी महानगरीय प्रहरी परिसर काठमाडौमा जानकारी छ ।
