१५ असोज, काठमाडौँ : नेकपा एमाले कोशी प्रदेशको नेतृत्वका लागि भएको निर्वाचनमा ९७७ मत खसेको छ ।
आज दिउँसो १ बजेबाट मतगणना सुरु हुने निर्वाचन समितिले जनाएको छ । कांग्रेसबाट अध्यक्षका लागि दुई नेता विनोद ढकाल र घनश्याम खतिवडाबीच प्रतिस्पर्धा छ । खतिवडा एमाले अध्यक्ष केपी शर्मा ओलीको आधिकारिक उम्मेदवार रहेको चर्चा छ । विराटनगरस्थित होटल मनास्लु इनमा भदौ २९ गतेदेखि जारी कांग्रेसको नेतृत्व चयनका लागि प्रयास भएको थियो तर नेताहरुबीच सहमति हुन नसकेपछि नेतृत्व चयनका लागि मतदान गर्ने निर्णय भएको थियो ।
काङ्ग्रेसबाट ५ पदाधिकारीसहितको २१५ सदस्यीय समिति गठन हुनेछ, जसमा ४५० जना उम्मेदवार मनोनयन गरिएको छ । उपाध्यक्षमा टिकाराम चेम्जोङ निर्विरोध निर्वाचित भएका छन् । सचिवमा पाँचथरका राजकुमार भण्डारी र उदयपुरका शैलेश लामाबीच प्रतिस्पर्धा छ । दुई उपसचिवका लागि झापाका जलवर्ष राजवंशी, मोरङका खेमराज नेपाली र खोटाङका दिवान राईबीच प्रतिस्पर्धा छ ।
नयाँ नेतृत्व चयन गर्न चार दिनअघि विराटनगर आएका एमालेका कार्यकर्ता अहिले चुनावको नतिजाको पर्खाइमा छन् ।
