२५ भदौ, काठमाडौँ : स्वास्थ्य तथा जनसङ्ख्यामन्त्री मोहनबहादुर बस्नेतले कान्ति बाल अस्पतालमा बालिकाको मृत्युमा कसैले जानीजानी गल्ती गरेको पाइएमा दोषीलाई कारबाही गरिने स्पष्ट पारेका छन् ।
अस्पतालको आकस्मिक वार्डमा उपचारको अभावमा पाँच वर्षीया बालिका रेजिशा गोपालीको गत साता मृत्यु भएको बताइएको छ । उनलाई बारम्बार बान्ता र ज्वरो आएपछि उपचारका लागि आकस्मिक वार्डमा ल्याइएको थियो । उनलाई डाक्टरकहाँ पठाउनुको सट्टा अस्पतालका कर्मचारीले आमा र हजुरबुवालाई टिकट लिएर आफ्नो पालो पर्खन भनेका छन् । इजिप्टको राजधानी कायरोबाट त्यहाँ हुने जनसङ्ख्या, स्वास्थ्य तथा विकाससम्बन्धी अन्तर्राष्ट्रिय सम्मेलनमा सहभागी भई स्वदेश फर्किएपछि आज त्रिभुवन अन्तर्राष्ट्रिय विमानस्थलमा पत्रकारसँग कुरा गर्दै मन्त्री बस्नेतले यस्तो बताएका हुन् । उनले समयमै उपचार नपाउँदा बालिकाको मृत्युमा दोषीलाई कारबाही गरिने बताए ।
‘घटनाको समयमा म देशबाहिर भए पनि यो घटनालाई नजिकबाट नियालेको छु। मैले इजिप्टबाटै सचिवलाई टेलिफोन गरी छानबिन समिति गठन गर्न निर्देशन दिएको थिएँ, गल्ती गरेको पाइएमा कारबाही हुन्छ । जानीजानी,” स्वास्थ्य मन्त्रीले भने। इजिप्टको कायरोमा भएको सम्मेलनमा जनस्वास्थ्यमा परेको असर र अव्यवस्थित बसोबासले जनस्वास्थ्यमा परेको असर र ती समस्या समाधानका उपायबारे व्यापक छलफल भएको उनले बताए । उनका अनुसार स्वास्थ्य र जनसङ्ख्या क्षेत्रको विकाससँगै यस क्षेत्रका समस्या समाधान गरी समग्र विकास गर्न सकिन्छ ।
स्वास्थ्य तथा जनसङ्ख्यामन्त्री बस्नेतले सम्मेलनमा इजिप्टका आफ्ना समकक्षीले यसको महत्वलाई मध्यनजर गर्दै आगामी वर्ष पनि यो कार्यक्रम आयोजना गर्ने प्रतिबद्धता व्यक्त गरेको जानकारी दिए । सम्मेलनमा सहभागी विभिन्न देशका स्वास्थ्यमन्त्री, दातृ निकायका प्रतिनिधि र राजनीतिक नेतृत्वसँग भेटघाट गरी रणनीतिक विषयमा छलफल गरेको उनले बताए । मन्त्री बस्नेतले सम्मेलनमा आफूले सरकारको प्रतिनिधि र स्वास्थ्यमन्त्रीको हैसियतमा नेपालका जनस्वास्थ्य विज्ञ डा शम्भु आचार्यको पक्षमा सम्बन्धित देशका स्वास्थ्यमन्त्रीसँग लबिङ गरेको बताए । दक्षिण पूर्व एशिया क्षेत्रका लागि WHO को क्षेत्रीय निर्देशकको पद। डब्लुएचओको दक्षिण–पूर्वी एसिया क्षेत्रीय सम्मेलन अर्को महिना हुँदैछ । मन्त्री बस्नेत यही भदौ ५ र ८ गते हुने जनसंख्या तथा विकास सम्बन्धी अन्तर्राष्ट्रिय सम्मेलनमा भाग लिन इजिप्टको कायरो प्रस्थान गरेका थिए ।
