१८ भदौ, काठमाडौँ : चितवन राष्ट्रिय निकुञ्जमा गैँडा मृत फेला परेको छ ।
गैँडाको सिङ्ग र खुर नजिकै भेटिएकाले शिकारीहरूले मारेको आशंका गरिएको राष्ट्रिय निकुञ्जका सूचना अधिकारी गणेशप्रसाद तिवारीले बताए ।
गस्ती टोलीले मल्ली चौकीको भित्री भागमा सिङ र खुर फेला पारेको उनले बताए । करिब सात महिनाअघि गैँडा मारिएको हुनसक्ने उनले बताए । “गैँडाको लिंग र उमेर अझै तय भएको छैन। यसको सिङ र खुर र कंकाल दुई दिनअघि भेटिएको थियो । अनुसन्धान जारी छ,’ उनले भने।
चितवन राष्ट्रिय निकुञ्जमा गएको वर्षमा २२ वटा गैँडा मरेका छन् ।
