१२ भदौ, काठमाडौँ : काठमाडौंका वाणिज्य भवनहरूले भवनबाट सेवा लिने व्यक्तिलाई पार्किङ शुल्क लिन नपाउने भएका छन् । उच्च अदालत पाटनले काठमाडौं महानगरपालिकाको निर्णयलाई समर्थन गर्दै अन्तरिम आदेश जारी गरेको छ । निजी मार्ट, रेस्टुरेन्ट, सपिङ कम्प्लेक्स, मल, अस्पताल र अन्य स्वास्थ्य सेवा प्रदायकहरू जस्ता व्यावसायिक प्रतिष्ठानहरूले आफ्ना ग्राहकहरूलाई निःशुल्क पार्किङ सेवा उपलब्ध गराउनु पर्ने निर्णयमा भनिएको छ। काठमाडौं महानगरपालिकाले सपिङ मलजस्ता व्यावसायिक भवनमा उपभोक्तालाई निःशुल्क पार्किङको व्यवस्था गर्ने निर्णय गरेको छ । तर, सञ्चालकले महानगरविरुद्ध उच्च अदालत पाटनमा रिट दायर गरेका थिए ।
