मंसिर १७ काठमाडौ,
सम्झेर तिमी आँसुले मेरो भिज्दैछ सिरानी
फर्केर छिटै आउनु है माया नहुनु बिरानी
युवा गीतकार स्टारहाङ बान्तावा जलनको शब्द रचना,राज खड्काको संगीत र मेलीना राईको आवाजमा रहेको गीतको म्युजिक भिडियोको छायांकन सम्पन्न भएको छ ।
सुन्दर लावतीको निर्देशन रहेको यस भिडीयोमा मोडल कसीस दाहाल र राजेश तामाङले अभिनय गरेका छन् । मलेसीयाको निलाई र सेरेम्वन वरिपरीको सुन्दर मनोरम स्थलहरुमा छायांकन गरिएको उक्त म्युजिक भिडियोको नायिका सुटिङ्गको लागि मलेशिया पुगेकी हुन् ।
म्युजिक भिडियोमा, भर्खरै बिबाह गरेर परदेशिएको आफ्नो श्रीमान् सम्पर्क बिहिन भईरहेको बेला,एक्कासी श्रीमानको मृत्यु भएको खबरले तर्सिएको सपनालाई देखाईएको छ । उक्त म्युजिक भिडियो केहिदिन पछि नै बजारमा आउने निर्माण पक्षले सूचना खबरलाई जानकारी दिएको छ । उक्त गीत मनको जलन एल्बम भित्रको एउटा गीत हो ।
