काठमाडौ- गायिका मनिता राईको स्वरमा “सिरुपाते खुकुरीको लाहा छ कि छैन” बोल रहेको गीतको म्युजिक भिडियो सार्वजनिक भएको छ । गीतकार सुनिल दिप्त राईको शब्द रचनालाई तारा प्रकाश लिम्बुले संगीत गरेका छन् भने उक्त गीतलाई साहाश शाक्यले एरेन्ज गरेका हुन् ।
“सिरुपाते खुकुरीको लाहा छ कि छैन” बोलको गीत यो भन्दा अगाडि नै सार्वजानिक भएपनि यो गीतको म्युजिक भिडियो भने भर्खरै सार्वजानिक गरिएको हो ।
खोटाङ्गमा जन्मिएर सांगीतिक क्षेत्रमा लागेकी गायिका मनिता राई यो भन्दा अगाडि शिक्षण पेशामा आबद्ध थिइन् । शिक्षण पेशालाई छाडेर सांगीतिक क्षेत्रमा लागेकी गायिका मनिता राईले छोटो समयमै दर्शक स्रोताहरुको माया पाउन सफल भएकी छन् ।
हालै सार्वजानिक भएको यो गीतको म्युजिक भिडियोलाई उत्सव दाहालले छायांकन गरेका हुन् भने निशान घिमिरेले सम्पादन गरेका छन् । राजेश पुमा राईको निर्देशन रहेको यो गीतको म्युजिक भिडियोमा प्रेम राई लगायत अन्यको अभिनय रहेको छ ।
म्युजिक भिडियो हेर्न यहाँ क्लिक गर्नुहोला
