काठमाडौ- गीतकार दिपा राई पुनको गीति एल्बम “प्रतिरुप” सार्वजनिक भएको छ । साहित्य क्षेत्रमा सक्रिय दिपा राई पुनको गीति एल्बम “प्रतिरुप” काठमाडौमा एक कार्यक्रमको विच विमोचित भएको हो ।
बरिष्ठ चित्रकार तथा साहित्यकार उत्तम नेपालीको प्रमुख आतिथ्यतामा सम्पन्न कार्यक्रममा प्रज्ञा प्रतिष्ठानका सदस्य तथा बरिष्ठ गायक गणेश रसिक, बरिष्ठ संगीतकार बुलु मुकारुङ्ग,चर्चित कवयत्री उषा शेरचन,कवि विप्लव ढकाल “प्रतिक” गीतकार संघका अध्यक्ष चुडामणि देवकोटा गीतकार दिपा राई पुनकी आमा बिमला राई लगायतले गीति एल्बम “प्रतिरुप”को बिमोचन गरेका हुन् ।
‘प्रतिरुप’ एल्बममा आठवटा गीतहरू समावेश गरिएका छन् । चर्चित तथा लोकप्रिय गायक राजेश पायल राई, भीषण मुकारुङ्ग, रजिना रिमाल, मेलिना राई, विजय अधिकारी, विनोद राई र सुनिता थेगिमको गीति एल्बम “प्रतिरुप”मा स्वर रहेको छ । भने पारस मुकारुङ्ग, बालन्द राई, राजेश थापा र डी आर अटुको संगीत रहेको छ ।
गीति एल्बम बिमोचन संगै एल्बम भित्रै रहेको “बिहानै” बोलको गीतको म्युजिक भिडियो पनि सार्वजनिक गरिएकाे थियो । सार्वजनिक म्युजिक भिडियाेमा सविना गाेपाली र कवि हेमन यात्रीले फिचरिङ गरेका छन् । निर्देशन, छायाँकन र सम्पादन खगेन्द पान्धाक लिम्बुले गरेका छन् ।
बाँकी कार्यक्रमको नालेबेली भिडियोमा
