काठमाडौँ । राष्ट्रपति रामचन्द्र पौडेल आज डिस्चार्ज भएका छन्। मुटुमा समस्या देखिएपछि मंगलबार सहिद गंगालाल राष्ट्रिय हृदय केन्द्रमा भर्ना गरिएका उनलाई आज बिहान करिब ८ बजे डिस्चार्ज गरिएको अस्पतालले जनाएको छ।
मंगलबार बिहान नियमित स्वास्थ्य परीक्षणका क्रममा अस्पताल पुगेका उनलाई चिकित्सकको सल्लाह अनुसार २४ घण्टासम्म अस्पतालमै राखिएको थियो। पौडेल लामो समयदेखि मुटुसम्बन्धी रोगले ग्रसित छन्।
