१७ असाेज, काठमाडौं : श्रीमान चेतन मानन्धरको हत्या गर्ने योगराज ढकाल (रिगल) लाई जेल हाल्न माग गर्दै भारती मानन्धरले आमरण अनसन सुरु गरेकी छन् ।
संविधान दिवसमा राष्ट्रपतिले माफी दिएपछि ढकाल रिहा भएका हुन् ।
बुधबार बिहान माइतीघर मण्डलामा अनशन सुरु गरेकी भारतीले न्याय नपाएसम्म घर नफर्कने बताइन् ।
अनशनमा रहेका पत्रकारहरुसँग कुरा गर्दै उनले भनिन्, ‘न्याय नपाएसम्म संघर्ष जारी राख्छु । म मर्न तयार छु तर न्याय नपाएसम्म फर्किने छैन ।”
सन् २०१५ साउन १३ गते नेपालगन्जमा रिगलले चेतनलाई छुरा प्रहार गरी हत्या गरेका थिए । सन् २०१९ को मेमा उनलाई बाँके जिल्ला अदालतले दोषी ठहर गर्दै आजीवन कारावासको सजाय सुनाएको थियो। घटनामा संलग्न अन्य दस व्यक्तिहरूलाई उनीहरूको संलग्नताको हदमा निर्भर गर्दै, तीन देखि 10 वर्षसम्मको जेल सजाय भयो।
तर, सरकारले संविधान दिवसमा उनलाई माफी दिन राष्ट्रपतिसमक्ष सिफारिस गरेपछि उनी रिहा भएका थिए ।
यस निर्णयको विरोध गर्दै श्रीमानका हत्यारालाई जेल हाल्न माग गर्दै भारतीले आमरण अनसन बसेको छ । ढकाललाई माफी दिने राष्ट्रपतिको निर्णयविरुद्ध रिट पनि परेको छ ।
