फागुन २८ काठमाडौ, कन्चनपुरको आनन्द बजारमा भारतीय प्रहरी एसएसबीको गोलि प्रहारबाट नेपाली गोबिन्द गौतमको निधन भएकोमा चलचित्र निर्माता संघले गहिरो दुख ब्यक्त गरेको छ । संघका अध्यक्ष नवल खड्काले एक विज्ञप्ति जारि गरेर,भारतीय पक्षले नेपाल र नेपाली माथि गरेको ज्यादतिको कडा शब्दमा भर्त्सना गरेका छन् ।
नेपाली भूमिमा भारतीयको दादागिरी अन्त्यको लागि सबै नेपाली एकजुट हुनुपर्ने भन्दै,विज्ञप्तिमा भारत सरकारले विगतको औपनिवेशिक मानसिकता त्यागि स्वतन्त्र र सार्वभौमसत्ता सम्पन्न नेपालको सम्मानलाई आघात नपुर्याउन चेतावनी समेत दीइएको छ ।
यसैगरी विज्ञप्तिमा ,यस घटनामा भारतीय सरकारले माफि माग्नु पर्ने र नेपाल सरकारले दिवंगत गौतमलाई सहिद घोषणा गर्नु पर्ने माग गरिएको छ । साथै मृतकको परिवारलाई क्षतिपूर्ति र आश्रित परिवारको जीवन भरणपोषण प्रत्याभूतिसमेत गर्न संगले जारिगरेको विज्ञप्तिमा उल्लेख छ । घटनामा घाईते भएकाहरुको निशुल्क उपचार र क्षतिपुर्तिको व्यवस्था गर्न पनि संघले नेपाल सरकारलाई अनुरोध गरेको छ ।
वर्तमान नेपाली चलचित्र निर्माता संघका अध्यक्ष नवल खड्काले केहि समय अगाडि नेपाल र भारत सिमानाको बिषयलाई लिएर दशगजा चलचित्रको निर्माण गरेका थिए । उक्त चलचित्र छायाङ्कनको समयमा भारतीयहरुले निक्कै नै दुख दिएको बताएका छन् । त्यसैगरी अर्को घटनामा भारतीय बाट मारिएका शहिद भीमदत्त पन्तको जीवनीमा आधारित फिल्मको पनि निर्माण गरेका छन् । उक्त चलचित्रमा पनि भारतीय ज्यादतिको बारेमा देखाईएको छ ।
