२९ भदौ, काठमाडौँ : विभिन्न कारणले रोकिएको गौतम बुद्ध अन्तर्राष्ट्रिय क्रिकेट रंगशाला निर्माणको काम छिट्टै सुचारु हुने भएको छ ।
कलाकार सिताराम कट्टेल र कुञ्जना घिमिरेको नेतृत्वमा रहेको धुर्मुस–सुन्तली फाउन्डेसनले बजेट अभाव भएको भन्दै आफ्नो संलग्नता फिर्ता लिएपछि रंगशाला निर्माणको काम रोकिएको थियो । मेयर रेणु दाहालले आयोजना सम्पन्न गर्ने प्रतिबद्धता जनाएपछि अब भरतपुर महानगरपालिकाले आयोजनालाई अगाडि बढाउने भएको छ । आयोजित एक कार्यक्रममा उनले भने, ‘मेरो कार्यकाल भरतपुरको मेयरमा पूरा हुन्छ ।
दाहालले रंगशाला निर्माण सम्पन्न गर्न ठूलो मात्रामा ऋण आवश्यक रहेको बताउँदै ऋण तिर्ने सरकारसँग कुनै सम्झौता नभएकाले निर्माणको काम अगाडि बढाउन चुनौतीपूर्ण भएको दाहालले बताइन् । चरणबद्ध रुपमा निर्माण गरिने दाहालले बताए । गत वैशाखमा धुर्मुस सुन्तली फाउण्डेशनले बजेट अभावमा अलपत्र पारेको भरतपुर क्रिकेट रंगशाला निर्माणको जिम्मा सरकारले लिएको थियो ।
प्रस्तावित गौतम बुद्ध अन्तर्राष्ट्रिय क्रिकेट रंगशालाको निर्माण जनवरी ३०, २०१९ मा सुरु भएको थियो। फाउन्डेसनलाई आर्थिक सहयोग गर्दै स्वदेश तथा विदेशमा रहेका नेपालीहरूका साथै केही विदेशीहरूले पनि आफ्नो पैसा जम्मा गरेका थिए। अबको दुई वर्षमा यो नेपालको सबैभन्दा सुविधा सम्पन्न क्रिकेट रंगशाला बन्नेमा सबै आशावादी थिए ।
