२० भदौ काठमाडौँ : प्रधानमन्त्री पुष्पकमल दाहाल ‘प्रचण्ड’ले गोरखा भूतपूर्व सैनिकको हित र समान अधिकार र विश्वभर छरिएर रहेका नेपालीको रक्षाका लागि आजीवन लड्ने बताएका छन् ।
गोरखा सैनिक भूतपूर्व सैनिक सङ्गठन (गेसो)ले मंगलबार काठमाडौंमा अवकाश प्राप्त गोरखा सैनिकले भोग्नुपरेको समस्याबारे आयोजना गरेको अन्तरक्रियालाई सम्बोधन गर्दै प्रधानमन्त्रीले पेन्सन, तलब र अन्य सुविधामा हुने विभेदकारी अभ्यासलाई समाधान गर्न पहल गर्ने बताए । ब्रिटिस आर्मीमा भर्ना भएका गोर्खाहरु यो नेपाल र नेपाल सरकारको जिम्मेवारी भएको बताए । “गोर्खा भूतपूर्व सैनिकको मुद्दा राष्ट्रिय स्तरबाट हुन नसकेकाले द्विपक्षीय र बहुपक्षीय रूपमा उठाउनुपर्छ र सम्बोधन गर्नुपर्छ, यस्ता विषयलाई राज्यले अन्तर्राष्ट्रिय मञ्चमा उठाउनुपर्छ र हितका लागि सम्बोधन गर्नुपर्छ भन्ने कुरामा म स्पष्ट छु ।
विश्वभर बसोबास गर्ने नेपालीको,’ प्रधानमन्त्रीले भने । त्यसैगरी, प्रधानमन्त्रीले जलवायु परिवर्तनले नेपालमा परेको असरको समाधान अन्तर्राष्ट्रिय मञ्चबाट कूटनीतिक माध्यमबाट खोज्नुपर्ने बताए । खाडी र अन्य गन्तव्य मुलुकमा रहेका नेपाली आप्रवासी कामदारको समस्या वा गोर्खा भूतपूर्व सैनिकको समस्या अन्तर्राष्ट्रिय मञ्चमा कूटनीतिक माध्यमबाट खोज्नुपर्ने प्रधानमन्त्रीको भनाइ छ ।
