३१ भदाै, काठमाडौं : डकुमेन्ट्री फिल्म ‘ऋत्तो गाउँ’ को फर्स्ट लुक पोस्टर सार्वजनिक भएको छ । नेपाली लघु चलचित्रलाई आनन्द राज प्रोडक्सनले रामरो इन्टरटेनमेन्टसँगको सहकार्यमा निर्माण गरेको हो ।
पोस्टरमा टुकी (बत्ती) बोकेकी एउटी महिला केही खोजिरहेकी छिन्। पोस्टरमा एक मात्र अभिनेता हिउवाला गौतम छन् । चलचित्रमा चर्चित अभिनेता मुकुन भुसाल, बरिष्ठ कलाकार सुवास गजुरेल र नव कलाकार सविना राउतको अभिनय रहेको छ । निर्माण टोलीले फर्स्ट लुक पोस्टर बाहेक कुनै पनि प्रवर्द्धनात्मक सामग्री सार्वजनिक नगरिने स्पष्ट पारेको छ ।
रामजी ज्ञवालीले निर्देशन गरेको यो चलचित्र नेपाली गाउँको समसामयिक कथामा केन्द्रित छ । चलचित्रले नेपाल र विदेशका प्रमुख सहरमा विशेष प्रदर्शन गर्ने निर्देशक ज्ञवालीले जानकारी दिए ।
“हाम्रो गाउँ दुर्गम हुन सक्छ, तर यसले अनगिन्ती अनगिन्ति कथाहरू बोकेको छ। हामी यस्तै एउटा मार्मिक कथामा प्रकाश पार्ने लक्ष्य राख्छौं,” ज्ञवालीले भने। उनले यो चलचित्र सबै नेपालीले हेर्नैपर्ने भएको बताउँदै नेपाली बसोबास गर्ने समुदायमा प्रदर्शन गरिने बताए ।
फस्ट लुक पोस्टर रिलिजले निकै चर्चा मच्चाएको छ । ‘रित्तो गाँउ’ ले नेपालको धेरै पहाडी क्षेत्रमा भोगेका कठोर यथार्थलाई गहिरो रूपमा चित्रण गर्न खोजेको पोस्टरबाट स्पष्ट हुन्छ ।
ज्ञवालीले यसअघि ‘डार्कमुन’, ‘हनिमून’, ‘आराध्या’ जस्ता चर्चित सर्ट फिल्म निर्माण गर्नुका साथै विभिन्न म्युजिक भिडियो निर्देशन गरिसकेका छन् । उनले यस परियोजनामा मनोरञ्जन पत्रकारितामा एक दशक भन्दा बढीको अनुभव ल्याउँछन्।
आनन्दराज शर्मा वाग्लेको निर्माण रहेको उक्त फिल्ममा कार्यकारी निर्मातामा प्रेम भुर्तेल, नारायण कँडेल, कुणाल कायल लगायतको अभिनय रहेको छ । चलचित्रका सहायक निर्देशक दिनेशबहादुर रावत छन् भने फोटोग्राफी निर्देशन निरज कँडेलले गरेका छन् ।
निर्माता आनन्दराज शर्मा वाग्लेले पहिलो स्पेशल स्क्रिनिङ काठमाडौंमा हुने र त्यसको सम्पूर्ण रकम नेपाली क्रिकेट टोलीका लागि छुट्याइएको जानकारी दिए । उनले भने, “हामी भावी योजनाका बारेमा छलफलमा छौं, तर प्रिमियरबाट उठेको रकमले क्रिकेट क्षेत्रलाई योगदान दिनेछ। त्यसपछिको आम्दानीको केही अंश समाजसेवाका लागि छुट्याउन चाहन्छौं।”
शर्मा वाग्लेले यो आठ दिनको डकुमेन्ट्री फिल्म ओटीटी प्लेटफर्ममा तत्काल उपलब्ध नहुने कुरामा जोड दिए। चलचित्रमा राजेन्द्र मोक्तानको कलर ग्रेडिङ र नहकुल खड्काको सम्पादन रहेको छ ।
