कार्तिक ३ काठमाडौं, सशस्त्र प्रहरी बलको विशेष टोलीले मंगलबार कीर्तिपुर गेटबाट भोजपुरको छिनामखु-७ घर भएका ३७ वर्षीय ज्ञानबहादुर राईलाई दुई थान छालासहित पक्राउ गरेको थियो ।
पक्राउ परेका राईलाई आवश्यक कारवाहीका लागि सशस्त्र प्रहरीले जिल्ला वन कार्यालय काठमाडौंमा बुझाएको छ ।
उनको साथबाट संरक्षित र दुर्लभ मानिने ध्वाँसे चितुवाको एक र अर्को एक गरी दुई वटा छाला बरामद भएको थियो ।
संरक्षित ध्वाँसे चितुवा अन्यन्तै दुर्लभ मानिन्छ ।
