काठमाडौं । गोकर्णेश्वर नगरपालिकाले बेकरी तालिम दिने भएको छ ।
बेकरीे तालिम २० जना स्थाई बासिन्दालाइ ३ महिना दिइनेछ ।
नगरपालिकाले तालिममा सहभागी हुन आवेदन आवहान सम्बन्धी सुचना पनि प्रकाशन गरेको छ ।
तालिममा सहभागी हुन चाहने इच्छुक व्यक्तिहरुले यही जेठ १३ गतेसम्म नगरपालिकाले तोकेको कार्यलयमा निवेदन बुझाउनुपर्नेछ ।
तालिमको मुख्य उद्देश्य युवाहरुलाई सीप प्रदान गर्ने र उनीहरुलाई स्वरोजगार बनाउने भएको नगर प्रवक्त नारायण बहादुर सुबेदीले सूचना खबरलाई बताए ।
सूचना खबरसग कुरा गर्दै नगर प्रवक्ता सुबेदीले भने ‘कयौँ युवाहरु विदेश जान्छन्, सीप अभावले समस्यामा परेका हुन्छन् । यस्ता युवाहरुलाई देशमै सीपको विकास गराएर देशमै रोजगारको व्यवस्था मिलाउने अभियानमा छौं ।’
