काठमाडौ – बुद्धवचन ‘धम्मपद’ हजारौ नेपालीहरुले एकै स्थानमा बसेर एकैपटक वाचन गरेका छन् । कार्यक्रममा एक लाख भन्दा बढिले उक्त बुद्धवचन ‘धम्मपद’ वाचन गरेको अनुमान गरिएको छ । ७५ हजार भन्दा बढिले पास लिएका थिए भने त्यतिकै मात्रामा पास नलिएर त्यहा जानेहरु पनि भएको अनुमान गरिएको छ ।
प्रधानमन्त्री केपी शर्मा ओली, पूर्वप्रधानमन्त्री पुष्पकमल दाहाल ‘प्रचण्ड’ मन्त्रिपरिषद्का पूर्वअध्यक्ष खिलराज रेग्मी लगायत मन्त्रीहरु, कलाकार, विद्यार्थीसहित विभिन्न पेशा व्यवसायमा रहेका नेपालीले आज टुँडिखेलमा बसेर उक्त बुद्धवचन सामूहिक वाचन गरेका थिए ।
विश्व कीर्तिमान परिषद् नेपालको अगुवाइमा गरिएको उक्त कार्यक्रमलाई सम्बोधन गर्दै प्रधानमन्त्री ओलीले भने, “शाक्यमुनि बुद्धप्रति आदर सम्मानसहित सबैको तर्फबाट नमन गर्दछु । “बुद्ध नेपालको लुम्बिनीमा जन्मेका हुन् । बुद्ध भूमिबाट शान्तिको कामना गर्दछु ।”
